БНХАУ үндэсний аюулгүй байдлын үүднээс сурьма болон холбогдох элементүүдэд экспортын хязгаарлалт тогтооно гэж тус улсын Худалдааны яам пүрэв гарагт мэдэгдлээ.

Бууны сум, зэвсэг, хэт улаан туяаны пуужин, цөмийн зэвсэг, шөнийн харааны шил зэрэгт ашигладаг стратегийн чухал ач холбогдолтой металл болох сурьмагийн дэлхийн нийт гарцын 48 хувийг өнгөрсөн онд БНХАУ дангаараа бүрдүүлсэн байна.

Хязгаарлалтыг  “Үндэсний аюулгүй байдал, ашиг сонирхлыг хамгаалах, цөмийн зэвсгийг түгээн дэлгэрүүлэхгүй байх зэрэг олон улсын өмнө хүлээсэн үүргээ биелүүлэх зорилгоор тавьж байгаа” гэж холбогдох яамны мэдэгдэлд дурдсан байна.