Чилид литийн төсөл хөгжүүлэхээр 50 гаруй компани сонирхлоо илэрхийлсэн гэж тус улсын Сангийн сайд Марио Марсель мэдэгдлээ. Дэлхийд зэсийн олборлолтоор тэргүүлэгч Чили улс Атакама, Марикунга давсны ордуудыг Төрийн хяналтад байлгахын зэрэгцээ бүрэн хайгуул хийгдээгүй 20 гаруй давсны ордод литийн төсөл боловсруулах саналыг дөрөвдүгээр сард тавьсан байна.

10 улсын 54 компани 88 төсөл боловсруулах мэдүүлгээ ирүүлсэн бөгөөд хүсэлт хүлээн авах хугацаа энэ долоо хоногийн даваа гарагт дууссан гэж Чилийн Сангийн сайд Сантьягод болсон арга хэмжээний үеэр мэдэгдлээ.

Дөрөвдүгээр сард Чилийн Уул уурхайн сайд нэг ордыг нэгээс олон компани худалдаж авахаар сонирхож буйгаа илэрхийлсэн тохиолдолд тендер зарлана гэж мэдэгдэж байсан юм.