“Rio Tinto” компани 20 тэрбум ам.долларын буюу дэлхийд хамгийн том уурхайн төслөө 27 жил дараа эхлүүлэхээр болсныг “Financial Times” агентлаг мэдээллээ. Анх 1997 онд Өмнөд Африкт байрлалтай төмрийн хүдрийн “Simandou” төслийн хайгуулын лицензийг “Rio Tinto” компани эзэмшиж байсан аж.

Зөвхөн нэг компани үйл ажиллагааг нь хариуцахад хэтэрхий "үнэтэй" гэгдэх энэхүү төслийг “Rio Tinto” компани Гвинейн Засгийн газар болон бусад долоон компанитай хамтран хэрэгжүүлэхээр байна.

“Rio Tinto”-ийн хувьд төмрийн хүдрийн уурхайг хөгжүүлэхэд голлон төвлөрөхөөс гадна талууд хамтран Гвинейд 552 км урттай төмөр зам байгуулах ажээ.

Энэхүү төсөлд зарцуулах нийт хөрөнгийн хэмжээ 6.2 тэрбум ам.доллар байх төлөвтэй байгааг “Financial Times”-ийн тооцоолол харуулж байна. Тус компанийн хувьд уурхайн үйл ажиллагаагаа эхэлж, төмрийн хүдрийн нийлүүлэлтийг 2025 оноос хийхээр зорьж байгаа төдийгүй 2028 оноос жилд 60 сая тонныг үйлдвэрлэхээр төлөвлөжээ.