Хонконг, Сингапурын Хөрөнгийн биржийн арилжаагаар юанийн ам.доллартой харьцах ханш түүхэн доод түвшиндээ хүрэхэд ойртоод байна. Үүний дараа БНХАУ валютын захад үзүүлэх дэмжлэгээ нэмэгдүүлэхээ мэдэгдлээ. Тодруулбал: БНХАУ-ын Төв банк болон бусад зохицуулагчид валютын зах зээл дэх зохицуулалтаа чангатгаж, зах зээлийг хэлбэлзүүлж болзошгүй огцом хэлбэлзлээс урьдчилан сэргийлэхээ амлажээ.

Түүнчлэн даваа гарагт БНХАУ-ын Төв банк хил дамнасан валютын урсгалын зохицуулалтаа өөрчилж,  компаниуд болон санхүүгийн байгууллагуудад гадаадаас илүү их зээл авах боломж олгосон байна. Энэ нь  хөрөнгийн урсгалыг нэмэгдүүлж, юанийн ханшийг дэмжихэд тусална гэж үзэж байгаа аж.