Дональд Трамп худалдааны түнш орнууддаа тариф тогтоосонтой холбоотойгоор ам.долларын ханшийн индекс пүрэв гарагт сүүлийн 2.5 жилийн хамгийн өндөр дүнгээр сулрав. Түүнчлэн хөгжиж буй орнуудын валютууд сүүлийн хоёр долоо хоногийн хамгийн өндөр өсөлттэй өдрийн арилжааг хаасан байна.

Харин төгрөгийн ам.доллартой харьцах ханш сүүлийн гурван өдөр дараалан гурван төгрөг давж суларснаар 2023 оны дөрөвдүгээр сараас хойш анх удаа 3500 нэгжийг давлаа. Үндэсний мөнгөн тэмдэгтийн ханш тасралтгүй унасан хөдөлгөөнөө он гарсаар хадгалж байна. Зөвхөн ам.доллар гэлтгүй голлох бүх валютын эсрэг суларснаас рубльтэй харьцах ханш нь хамгийн өндөр буюу 26.7 хувиар суларчээ.

Монгол Улсын 2025 оны эхний хоёр сарын төлбөрийн тэнцэл урьдчилсан байдлаар 742.2 сая ам.долларын алдагдалтай гарсныг Төв банк мэдээлсэн юм. Харьцуулбал өмнөх оны ижил хугацаанд 38.7 сая ам.долларын ашигтай гарч байв. 

Дашрамд дурдахад, энэ онд Монгол Улс төгрөгийг гүйлгээнд анх гаргасны 100 жилийн ой тохиож байна.