Австралийн Хөрөнгийн биржид бүртгэлтэй “Jade Gas Holdings” компанийн 2023 оны татварын дараах үйл ажиллагааны алдагдал 18 хувиар өсөж, 4.7 сая австрали доллар болсон байна. Цэвэр хөрөнгийн позиц нь 19.1 сая австрали доллар болж, 52 хувиар өссөн бол бэлэн мөнгөний нөөц нь 2.1 сая австрали доллар болж, 34 хувиар буурчээ.

Өнгөрсөн онд тус компани өрөмдлөг, хайгуулын ажиллагаа эрчимтэй явуулсан нь эдгээр тоон үзүүлэлтэд нөлөөлсөн байна. Энэ онд мөн Өмнөговьд байрлах байгалийн хийн 45 км орчим талбайг өргөтгөх төлөвлөгөөгөө хоёрдугаар сард танилцуулж байсан юм.

"Улаан нуур" Тавантолгойн нүүрсний давхаргын метан хийн төслийн хувьд цооногийг өрөмдөх, туршилтын үйлдвэрлэл явуулах, үйлдвэрлэлийн түвшнийг шалгах арга хэмжээнүүдийг төлөвлөсөн байна.

Түүнчлэн 104.6 метрийн зузаантай хийтэй нүүрс илрүүлсэн Баруун Наран талбайд өрөмдлөг хийхээр төлөвлөжээ.