“Ivanhoe Mines” компани 2024 онд хийгдэх хайгуулын төсвөө 90 сая ам.доллар болгон нэмэгдүүллээ. Ийнхүү өмнөх төсвөө ойролцоогоор дөрөв дахин нэмэгдүүлж байна.

Ирэх онд хийгдэх хайгуулын ажлын гол төсвийг Конго улсад байрлах Камоа-Какула зэсийн төсөлд зарцуулахаар байгаагаа тус компани тодотголоо.

“Ivanhoe Mines” Африк дахь төслүүдээ эрчимжүүлэхээр олон улсын томоохон корпорацууд болон Төрийн Баялгийн сангууд зэрэг боломжит стратегийн хөрөнгө оруулагчидтай хэлэлцэж байгаагаа мэдээллээ.

Сүүлийн байдлаар “Ivanhoe Mines” компанийн нэгж хувьцааны ханш 2.3 хувиар өсөж, 12.32 канад доллар хүрчээ. Ингэснээр тус компанийн зах зээлийн үнэлгээ 15 тэрбум канад доллароор хэмжигдэж байна.