Олон улсын үнэлгээний “S&P Global Ratings” агентлаг Монгол Улсын Засгийн газрын зээлжих зэрэглэлийг "B" түвшнээс "B+" болгон ахиулж, төлөвийг "Тогтвортой"-оос "Эерэг" болгон сайжрууллаа.

Монгол Улсын эдийн засгийн гүйцэтгэл “S&P Global Ratings”-ийн өмнөх төсөөллийг давсан, экспортын өсөлт цаашид тогтвортой хадгалагдаж урсгал дансны орлогыг дэмжих төлөвтэй гэж үзсэн тул зэрэглэлийг ийнхүү ахиулсан байна.

Мөн тус агентлаг Монгол Улсын эдийн засаг ирэх 2-3 жилд тогтвортойгоор өсөх төлөвтэй байгаа нь бусад ижил зэрэглэлтэй орнуудаас давсан өндөр үзүүлэлт. Монгол Улсын эдийн засаг нүүрс, зэсийн экспортын сайн үзүүлэлтийн нөлөөгөөр 2024 онд зургаан хувиар өсөхөөр байна гэсэн төсөөлөл гаргажээ. 

Үнэлгээний бусад томоохон агентлагуудын хувьд “Fitch Ratings” саяхан Монгол Улсын зээлжих зэрэглэлийг “B+” болгон ахиулсан бол “Moody's”-ийн зэрэглэл “B3” түвшинд байгаа юм.