Евро бүсийн эдийн засгийн өсөлт удаашралтай байгаа нь мөнгөний хатуу бодлогоос үүдэлтэй ба санхүүгийн тогтвортой байдалд учирч болох эрсдэлийг нэмэгдүүлэх аюултай гэж Европын Төв банк анхаарууллаа.

Тус банк бодлогын хүүгээ 2022 оноос хойш 10 удаа өсгөөд байгаа юм. Харин эдийн засгийн үзүүлэлт энэ чигээрээ тааруу байвал өрх болон компаниудын орлого, олон нийтийн санхүүд нэмж дарамт болохоор байгааг хоёр жил тутам гардаг санхүүгийн тогтвортой байдлын тайландаа дурдсан байна.

Үүнд Евро бүсийн 20 улсад тааруу төлөв ажиглагдсан байна. Мөн энэ оны III улиралд үйлдвэрлэлийн гарц 0.1 хувиар буурсан тул эдийн засгийн өсөлт саарах магадлалтай байгаа юм.

Түүнчлэн ирэх онд өсөлт бага байх тооцоололтой байна. Харин бодлогын хүүг өсгөснөөс гарах үр дагавар, геополитикийн асуудал зэрэг нь эрсдэлийн гол хүчин зүйлс болохоор байгаа аж.