“Alphabet”-ийн “Isomorphic Labs” компани Швейцарын “Novartis” болон АНУ-ын “Eli Lilly and Company”-тай стратегийн судалгааны чиглэлд хамтран ажиллахаар боллоо.

Энэ хүрээнд “Isomorphic Labs” бичил молекулын эмчилгээний хэд хэдэн чиглэлээр судалгаа хийхэд зориулж  “Eli Lilly and Company”-аас 45 сая ам.долларын санхүүжилтийг эхний ээлжид авахаар болсон байна. Мөн 1.7 тэрбум ам.долларыг судалгааны явцад гарах зардалд өгөх боломжтойгоор талууд тохиролцжээ.

Харин “Novartis”-тай  бичил молекулын судалгааны  гурван чиглэлд хамтран ажиллахаар болсон ба эхний ээлжид 37.5 сая ам.доллар, мөн судалгааны явцад үүсэх зардалд 1.2 тэрбум ам.долларыг авахаар болсон байна.