“Amazon” компани ирэх 15 жилд хиймэл оюуныг хөгжүүлэх дата төвүүддээ 150 тэрбум ам.доллар зарцуулахаар төлөвлөснөө мэдэгдлээ. 

Тус компани Виржиниа, Ореган мужид байрлах серверийн төвүүдээ өргөтгөхөөс Гадна Саудын Араб, Малайз зэрэг улсад шинэ төвүүд байгуулахаар төлөвлөж байна.

Хөрөнгө оруулалтын зардлаа нэмж байгаа нь  үүлэн технологийн  зах зээлээ тогтвортой байлгахыг зорьж байгаатай холбоотой аж. Тус компани сүүлийн хоёр жилд дата төвүүдэд 148 тэрбум ам.доллар зарцуулсныг “Bloomberg”-ийн дата мэдээллээс харж болохоор байгаа юм.

Шинэчлэл хийх төслүүдээ хойшлуулж бизнесийн харилцагчид нь зардлаа бууруулсантай зэрэгцэн “Amazon Web Service”-ийн борлуулалт өнгөрсөн онд доод түвшинд хүрч буурсныг тайлагнаж байв.