Аргентин улсын Ерөнхийлөгч Хавьер Милей АНУ-ын Ерөнхийлөгч Дональд Трампын худалдааны бодлогыг зөвтгөж, "протекционист" гэж үзэхгүй байгаагаа Швейцарын Давос хотноо болж буй Дэлхийн Эдийн Засгийн Форумын үеэр “Bloomberg”-т өгсөн ярилцлагадаа илэрхийллээ.

Тэрбээр “Бусад удирдагчдаас ялгаатай нь Дональд Трамп геополитикийг нэвт шувт ойлгодог. АНУ-ын худалдааны бодлогыг геополитикийн нэг хэсэг болгож ашигладаг. Хэрэв Дональд Трампын тоглодог талбарыг мэдэхгүй бол түүний алсын харааг ойлгоход хэцүү л болно. Хэдий тийм боловч мэдээж түүний санал болгож буй бодлогын чиглэлүүд өнөөгийн дэлхийг илүү сайхан болгоно гэдэг тодорхой” гэж тодотгосон байна.