Олон улсын сансрын станцад гацаад буй NASA-ийн нисэгчдийг “SpaceX”-ийн хөлгөөр авчрахаар боллоо. Энэхүү ажиллагааг гүйцэтгэх үүрэг хүлээн аваад байсан “Boeing” компанийн “Starliner” хөлөгт гэмтэл гарсан учраас  есдүгээр сарын эхээр зорчигчгүй буцан ирнэ гэдгийг NASA мэдэгдсэн байна.

“SpaceX” компанийн “Crew Dragon” сансрын хөлөг есдүгээр сарын эцсээр хөөрч, сансрын нисэгчдийг эх дэлхийд буцаан авчрах аж. Аялал зургаан сар орчим үргэлжлэхээр байна.

NASA “SpaceX”-тэй хамтын ажиллагаагаа өргөжүүлж буй энэ үед өрсөлдөгч “Boeing”-ийн хувьд “Starliner” хөлгөөр анхны зорчигчдоо тээвэрлэх төлөвлөгөө нь долоо орчим  жилээр хойшлоод байгаа юм.