“Nvidia”-ийн хувьцаа эзэмшигчдийн хувьд өнгөрсөн зургаан долоо хоног хүндхэн болж өнгөрсөн ч ханшийн уналт дууссан байж магадгүй гэсэн дохио боллоо.  Тус компанийн хувьцааны ханш сүүлийн дөрвөн арилжаагаар 17 хувиар өсөж, зах зээлийн үнэлгээ нь бараг 424 тэрбум ам.доллароор нэмэгдээд байна. 

“Nvidia”-ийн хувьцааны ханш ийнхүү өссөн нь өргөн хүрээгээрээ хөрөнгийн захын өсөлт бий болоход нөлөөлжээ. Сүүлийн арилжааны дөрвөн өдөр “S&P 500 Index”-ийн нийт өсөлтийн 22 хувийг “Nvidia” дангаараа бүрдүүлж байна. Энэ нь тус индексэд бүртгэлтэй бусад компаниудын өсөлттэй харьцуулахад хоёр дахин өндөр үзүүлэлт болж байгаа юм.

“Nvidia”-ийн өсөлтийн нөлөөгөөр “S&P 500 Index”-ийн өсөлт долоодугаар сарын эхэн үеэс хойших хамгийн удаан хадгалагдсан өсөлтөд тооцогдож байна. Энэ нь  сүүлийн хоёр жилийн хамгийн огцом уналтын гэрч болсон  хөрөнгө оруулагчдын хувьд таатай мэдээ боллоо.