Чихэрлэг ундаанд татвар ногдуулах тухай хуулийн төслийг УИХ-аар хэлэлцүүлж эхэллээ. Насанд хүрсэн хүн өдөрт 25 грамм сахар хэрэглэхийг Эрүүл мэндийн яам зөвлөдөг. Үүний дагуу 100 грамм ундаанд таван грамм сахар агуулбал ямар нэгэн татваргүй, үүнээс дээш бол татвартай байхаар хуулийн төсөлд тусгажээ.

Одоогоор дэлхийн 85 улсад чихэрлэг ундаанд татвар ногдуулж, чихэрлэгийн хувь хэмжээг зохицуулж байна. Монгол Улсын хувьд ундааны хэрэглээний 85 хувийг дотоодоос хангадаг.

Сахрын хэт их хэрэглээ нь таргалалт, түүнээс үүдсэн өвчлөл, хавдрын эрсдэлийг нэмэгдүүлж байгааг Эрүүл мэндийн сайд онцолж байв. Монгол Улсын 18-65 насны хүн амын 31 хувь нь буюу гурван хүн тутмын нэг нь илүүдэл жинтэй, тав хүртэлх насны хүүхдүүдийн 28 хувь нь илүүдэл жинтэй байна.

Мөн сургуулийн насны хүүхдүүдийн 67 хувь нь шүдний цооролтой гэж гарчээ. Тиймээс чихрийн өндөр агууламжтай ундааны чихэрлэгийн хэмжээг бууруулах, импортыг бууруулах, түүнийг орлох эрүүл хүнс болон жимс ногооны хэрэглээг хэвшүүлэх нь чухал гэж төсөл санаачлагчид үзэж байна.

УИХ-ын гишүүн М.Оюунчимэг

УИХ-ын гишүүн Г.Ганболд

УИХ-ын гишүүн С.Одонтуяа