АНУ-ын эдийн засаг агших магадлал нэмэгдэж байгааг санхүүгийн зах зээлийн хөдөлгөөнүүд илтгэж байгааг “Goldman Sachs Group” болон “JPMorgan Chase”-ийн шинжээчид анхаарууллаа.

АНУ-ын эдийн засаг уналтад орох магадлал дөрөвдүгээр сард 29 хувьтай байсан бол 41 хувь болж өссөн гэж “Goldman Sachs Group”-ийн шинжээчид үзэж байна. “JPMorgan Chase”-ийн шинжилгээний загварын үр дүнд АНУ-ын эдийн засаг агших магадлал гуравдугаар сард 20 хувь байсан бол одоо 31 хувь болж өссөнийг харуулжээ.

Холбооны Нөөцийн банк өмнө нь таамаглаж байснаас илүү эрчимтэйгээр бодлогын хүүгээ бууруулах магадлал нэмэгдсэн нь эдгээр хөдөлгөөнүүд гарахад голлон нөлөөлсөн гэж дээрх банкнуудын шинжээчид дүгнэсэн байна.

Өнгөрсөн сард АНУ-ын хөдөлмөрийн зах зээл суларч, ажлын байрны тоо саарсан үзүүлэлттэй гарсан юм.