Австрали болон Торонтогийн Хөрөнгийн биржид давхар бүртгэлтэй “Xanadu Mines” компани Монгол дахь “Хармагтай” төслийнхөө зэс, алтны өндөр эрдэсжилттэй бүсээ өргөтгөхөөр хайгуулын өрөмдлөгөө үргэлжлүүлж байгаагаа мэдэгдлээ.

Тус компани 2024 оны IV улирлаас олборлолт хийж эхлэхээр төлөвлөж байгаа аж. Энэ хүрээнд “Хармагтай” хамтарсан компани 35 сая ам.долларын санхүүжилт хийсэн байна.

"Одоогоор ордыг судлах явцад эрдэсжилт дээш гадарга руу чиглэж тогтсон байна гэж дүгнэж байгаа. “White Hill” ордод нэмж хайгуул хийснээр шинэ ил уурхайн загварыг сайжруулж, зэсийн өгөөжийг нэмэгдүүлнэ" гэж “Xanadu Mines”-ийн Гүйцэтгэх захирал Колин Мурхед мэдэгджээ.