Никелийн үнэ унасантай холбоотойгоор “BHP” компани никель олборлолтын нэгжийнхээ үнэлгээнд өөрчлөлт оруулж байгаагаа мэдээллээ.

“BHP” компани 2021 онд “Tesla”-тай никель нийлүүлэх гэрээ байгуулсан аж. Өнгөрсөн онд Индонезийн нийлүүлэлт нэмэгдэж, Австралийн никелийн уурхайнууд бүтцийн өөрчлөлт хийн, татан буугдаж эхэлснээр никелийн үнэ 40 хувиар унасан юм.

“BHP” никелийн үнийн огцом уналтын нөлөөллийг бууруулах хувилбаруудыг судалж байгаа бөгөөд хагас жилийн санхүүгийн үзүүлэлтүүдээ танилцуулах хоёрдугаар сарын 20-ны өдөр илүү дэлгэрэнгүй мэдээлэл өгөхөө тус компани мэдэгдсэн байна.