2025 онд дэлхийн хэмжээнд газрын тосны эрэлт огцом өсөж, нийлүүлэлтээ давна гэж OPEC Өргөтгөсөн бүлгийн гишүүн орнууд тооцоолжээ. Тухайлбал: ирэх онд газрын тосны эрэлт өдөрт 1.8 сая баррелиар буюу эрс өсөх төлөвтэй байна. Үүнд БНХАУ болон дэлхийн эдийн засгийн сэргэлт нөлөөлнө гэж үзэж байгаа аж.

Мөн ирэх онд OPEC-ийн гишүүн бус орнуудын газрын тосны нийлүүлэлт өдөрт 1.3 сая баррелиар нэмэгдэнэ. Хэдий тийм боловч OPEC-ийн Өргөтгөсөн бүлэг гарцаа мэдэгдэхүйц нэмэгдүүлэхгүй л бол дэлхийн хэмжээнд газрын тосны нийлүүлэлт ирэх он дуустал эрэлтээ гүйцэж чадахгүй гэж үзсэн байна.

Харин энэ онд газрын тосны эрэлт өдөрт 2.25 сая баррелиар өсөх төлөвтэй гэж OPEC-ийн Өргөтгөсөн бүлгийн гишүүд харж байгааг онцоллоо.