Дэлхийн хэмжээнд архитектурын үйлчилгээний зах зээл 2031 он гэхэд 834 тэрбум ам.доллар болж 2023 оны түвшнээс 111 хувиар өсөх төлөвтэй байгааг “Skyquest Technology Group” тооцооллоо. Өөрөөр хэлбэл, 2024-2031 оны хооронд жилд дунджаар 9.8 хувиар өсөхөөр байна. Улс орнуудад дэд бүтэц, барилга бүтээн байгуулалтын ажил эрчимжих төлөвтэй байгаа нь салбарын өсөлтөд гол түлхэц үзүүлэхээр байгаа аж. Энэ салбарт АНУ, Канад, Итали, Герман зэрэг улс тэргүүлэх байр суурийг эзэлж байна.

Энэ чиглэлд үйл ажиллагаа явуулдаг Италийн Миланд төвтэй “Analog Lab” компанийн архитектор, дизайнерууд Монголд ирж салбарын хөгжил, боломжийн талаар хэлэлцээд байна. Тус компанийн хувьд “Ferrari”, “Microsoft”, “Prada”, “Apple” зэрэг томоохон компанитай хамтран ажилладаг аж.