Хөрөнгө оруулагчид мягмар гарагт шинээр 43 гаруй тэрбум ам.долларын өндөр зэрэглэлийн бонд худалдан авсан нь түүхэн дэх гурав дахь хамгийн өндөр ачаалалтай өдөрт тооцогдож байна.

Лхагва гарагийн байдлаар хоёрдогч зах зээлд эдгээр бондуудын өгөөж ихэнх нь чангарчээ. Тухайлбал: “MasterCard” компанийн гаргасан гурван тэрбум ам.долларын бондын өгөөж 11 суурь нэгжээр чангарлаа. Лхагва гарагт дахин 29 тэрбум ам.долларын хөрөнгө оруулалтын зэрэглэлийн өрийн бичиг арилжаалагдсан байна.

Хөрөнгө оруулагчдын дунд энэ сард Холбооны Нөөцийн банк бодлогын хүүгээ бууруулах хүлээлт өндөр хэвээр байгаа юм. Мөнгөний бодлогыг зөөлрүүлснээр мягмар гарагийн байдлаар 4.89 хувьд байгаа АНУ-ын Засгийн газрын бондын өгөөж сэргэх хүлээлттэй байна.