Өндөр зэрэглэлтэй бондуудын эрэлт сүүлийн 10 жилд байгаагүй дээд түвшинд хүрээд байгааг “Bloomberg”-ийн судалгаа харууллаа. Зах зээлд эрсдэл багатай гэж үнэлэгдсэн бондууд нэмэгдэж, зэрэглэл тааруу бондууд цөөрч байгаа нь хөрөнгө оруулагчдын анхаарлыг татах болжээ. 

Дата мэдээллээр "A" зэрэглэлтэй буюу эрсдэл багатай бондууд эргээд хөрөнгө оруулалтын индексийн гол хэсгийг бүрдүүлж эхэлж байгаа аж.

Үүнээс гадна зээлжих зэрэглэл тогтоодог байгууллагууд компаниудын зэрэглэлийг бууруулахаас илүүтэй өсгөх тренд сүүлийн дөрвөн жил дараалан үргэлжилж байна. 

Зэрэглэл сайтай компаниудын өрийн харьцаа сайжирч байгаа зэргийг зэрэглэл тогтоогч байгууллагууд анхааралтай ажиглаж байна. Үүний зэрэгцээ Төв банкнууд бодлогын хүүгээ бууруулах дохио өгч байгаа зэрэг нь хөрөнгө оруулагчдын анхаарлыг улам татаж эхэллээ.