“Tesla”-ийг ардаа орхиж, цахилгаан автомашин үйлдвэрлэлээр дэлхийд тэргүүлж эхлээд буй “BYD” компани ухаалаг автомашины функц хөгжүүлэлтэд 100 тэрбум юань буюу 14 тэрбум ам.долларын хөрөнгө оруулахаа мэдэгдлээ.

Цаг хугацаа, нарийн мэдээллээр хангаагүй ч тус компани бусад өрсөлдөгч компаниудтай энэ талбарт мөр зэрэгцэхээр зорьж байгаа аж. Энэ хүрээнд “BYD” компани автомат жолоодлогын систем хөгжүүлэхээ мэдэгдээд байна.

Энэхүү шинэ систем нь тус компанийн үйлдвэрлэх 300 мянган юаниас дээш үнэтэй автомашинуудад суурилуулагдах магадлалтай байгаа аж.

БНХАУ-ын зах зээлд жолоочийн туслах системүүд нь худалдан авагчдыг татах гол функц байдаг бөгөөд одоогоор салбартаа “Xpeng”, “Huawei” компаниуд тэргүүлж байгаа юм.