Энэ оны хоёрдугаар хагаст БНХАУ болон БНЭУ-ын хувьцаанууд Азид өсөлтөөрөө тэргүүлэх төлөвтэй байна. Хөрөнгө оруулагчид хөгжиж буй зах зээлийг чиглэж буй нь үүнд голлон нөлөөлөхөөр байгаа аж.

Ирэх зургаан сард БНХАУ-ын хувьцаануудын ханш хурдацтай өсөхөөр байгааг “Bloomberg News”-ийн судалгаанд хамрагдсан стратегич, сангийн менежерүүдийн дийлэнх нь онцолж байна.

Мөн Энэтхэг улсын хувьцааны өсөлт БНХАУ-тай адил бүсдээ тэргүүлэхээр байгааг судалгаанд оролцогчид хариулжээ. Харин Японы зах зээл удаалахаар байгааг тодотгов. АНУ-ын Төв банк бодлогын хүүгээ бууруулах нь эдгээр хөгжиж буй орнуудын хувьцааны ханш өсөхөд гол түлхэц болохоор байгаа ажээ.