БНХАУ-ын томоохон хотууд дахь компаниудын шинэ ажилтнууддаа санал болгох босго цалингийн дундаж хэмжээ эрс буураад байна. Тухайлбал: 2023 оны IV улирлын байдлаар БНХАУ-ын компаниудын босго цалингийн түвшин сүүлийн гурван улирал дараалан буураад байгаа аж. Үүнийг өмнөх жилийн мөн үетэй харьцуулахад 1.3 хувиар буурч, 1458 ам.доллар болоод байна. 

Энэ дундаас  БНХАУ-ын нийслэл Бээжин хотын компаниудын ажилтнуудад санал болгож буй босго цалин жилийн өмнөхтэй харьцуулахад 2.7 хувиар, харин Гуанжоу хотод илүү өндөр дүнгээр буюу 4.5 хувиар буурчээ.

Тус улсын үл хөдлөх хөрөнгө болон хөдөлмөрийн зах зээл тааруу байгаагаас болж хэрэглээний үнэ сүүлийн гурван жилийн доод түвшинд хүрээд байгаа аж. Үүн дээр нэмээд босго цалингийн хэмжээ ийнхүү буурсан нь БНХАУ-ын дефляцын дарамт улам хүндрэх төлөвтэйг шинжээчид анхааруулж байна.