“Rio Tinto” группийн охин компани “Richards Bay Minerals” Өмнөд Африкийн “Khangela Emoyeni” салхин цахилгаан станцаас 140 мегаватт салхины эрчим хүч авах 20 жилийн хугацаатай  гэрээ байгуулснаа мэдээллээ.

Эрчим хүчийг Өмнөд Африкийн баруун болон Хойд Кейп мужид шинээр баригдах салхин цахилгаан станцаас гарган авах юм байна.

Энэхүү төсөл нь “Richards Bay Minerals” компанийн жилийн нүүрстөрөгчийн хийн ялгарлыг 20 хувиар бууруулна гэж “Rio Tinto” мэдэгдлээ. “Richards Bay Minerals” компанийн 2022 онд “Bolobedu”-ийн нарны станцтай байгуулсан гэрээний хамтаар энэхүү төсөл нь тус компанийн эрчим хүчний хэрэгцээний 42 хувийг хангах төлөвтэй байна.