Саудын Араб улс “Saudi Aramco”-ийн хэдэн тэрбум ам.доллароор үнэлэгдэх хувьцааг дахин олон нийтэд санал болгож магадгүй байна. Энэ нь сүүлийн хэдэн жил дэх хамгийн өндөр дүнтэй хувьцааны арилжаа болохыг эх сурвалж мэдээллээ.

Энэ хүрээнд тус компани хэд хэдэн зөвлөх түншүүдтэй хамтран, Эр-Риядын Хөрөнгийн биржид хувьцаагаа арилжаалах талаар судалж байгаа аж. Ойрын хугацаанд төлөвлөгөөг үргэлжлүүлэх эсэхийг шийдвэрлэхийг эх сурвалж онцоллоо.

Ирээдүйд “Saudi Aramco” компанийн илүү олон хувьцааг зарж, орлогыг нь Саудын Арабын Баялгийн санд шилжүүлэхээр төлөвлөж байгааг тус улсын угсаа залгамжлах хунтайж Мохаммед бин Салман 2021 оны нэгдүгээр сард мэдэгдэж байсан юм.