“Монгол базальт” ХК 2023 оны эхний хагас жилд 3.8 тэрбум төгрөгийн борлуулалтын орлоготой ажилласан нь өмнөх оны мөн үеэс 35 орчим хувиар буурсан үзүүлэлт болсон байна. Тайлант хугацаанд цэвэр ашиг нь өмнөх оны мөн үеэс хоёр дахин буурч, 363.3 сая төгрөг болжээ.

Оны эхний хагас жилд тус компани үйлдвэрийн хүчин чадлаа нэмэгдүүлэх хүрээнд тоног төхөөрөмж, техникийн шинэчлэл хийсэн байна. Үүнтэй холбоотойгоор үйлдвэрлэлийн цагийг багасгасан нь санхүүгийн үзүүлэлт буурахад голлон нөлөөлжээ.

Барилгын материалын борлуулалт III, IV улиралд идэвхэжнэ. Иймд жилийн үлдсэн хагаст хүчин чадлаа эрчимжүүлж  энэ оны зорилтоо биелүүлэх төлөвлөгөөтэй байгааг “Монгол базальт” ХК-ийн Гүйцэтгэх захирал  А.Энхгэрэл мэдээлсэн юм.