Дэлхийн банкнаас Зүүн Ази, Номхон далайн хөгжиж буй  орнуудын дотоодын нийт бүтээгдэхүүний өсөлтийн төсөөллийг танилцууллаа. Эдийн засгийн өсөлт 2023 онд таван хувь  буюу өндөр хэвээр байх бол оны хоёрдугаар хагаст саарна гэж тооцоолсон байна. Харин 2024 онд 4.5 хувиар өсөх төлөв гаргажээ.

Дунд хугацаандаа өсөлтийг тогтвортой хадгалахын тулд аж үйлдвэрийн өрсөлдөх чадварыг бэхжүүлж, худалдааны түншүүдээ төрөлжүүлэх шаардлагатай гэж үзсэн байна.

Гадаад хүчин зүйлсийн нөлөө харьцангуй сайжирч байгаа гэдэг утгаараа хятадаас бусад улсын эдийн засгийн өсөлтийг харьцангуй өөдрөгөөр тооцоолжээ. Үл хөдлөх хөрөнгийн салбарын хямрал, өрийн дарамт зэрэг хүчин зүйлс БНХАУ-ын эдийн засгийн өсөлтөд сөргөөр нөлөөлнө гэж үзсэн байна. Тухайлбал: БНХАУ-ын эдийн засаг энэ онд 5.1 хувиар өсөх бол 2024 онд 4.4 хувиар өснө гэж үзжээ.