БНХАУ-ын эдийн засгийн өсөлт эрчээ алдаж байж магадгүйг тус улсын дөрөвдүгээр сарын статистик үзүүлэлтүүд харууллаа.

Тайлант хугацаанд БНХАУ-ын аж үйлдвэрлэлийн гарц 5.6 хувиар өссөн нь “Bloomberg”-ийн судалгаанд оролцсон эдийн засагчдын дундаж таамаг болох 10.9 хувиас эрс бага үзүүлэлт боллоо. Үүний зэрэгцээ жижиглэн худалдааны борлуулалтын өсөлт нь 18.4 хувиар өссөн нь мөн адил шинжээчдийн хүлээлтэд хүрсэнгүй.

БНХАУ эдийн засгийн өсөлтөө дэмжихээр нэмэлт бодлогын арга хэмжээнүүд авах шаардлага бий болж магадгүй байгааг шинжээчид мэдээллээ.

Үүнээс гадна дөрөвдүгээр сард БНХАУ-ын 16-24 насны буюу залуу үеийнхний ажилгүйдлийн түвшин 20.4 хувь болж, шинэ дээд түвшинд хүрсэн нь эдийн засгийн идэвх нь эрчээ алдаж буйг харуулж байна.

Өөрөөр хэлбэл цар тахлын дараах эдийн засгийн сэргэлт нь хөдөлмөрийн зах зээлийг идэвхжүүлэхэд хангалтгүй байж магадгүй байгаа аж.