“Coca-Cola” компани үнийн өсөлт, БНХАУ-ын зах зээл дэх хүндрэл зэрэг асуудлуудаас үл шалтгаалан энэ он гарсаар борлуулалт нь сайн байсантай холбоотойгоор бүтэн жилийн санхүүгийн үзүүлэлтийн төсөөллөө нэмэгдүүллээ.

Цэнгэлдэх хүрээлэн, ресторан, кино театр зэрэг газар хэрэглэгчид үйлчлүүлэх нь нэмэгдсэнээр гэрээс гадуурх хэрэглээ өссөн, харин БНХАУ-д бизнесийн өсөлт бага хэвээр байгаа гэж “Coca-Cola” компанийн Санхүү хариуцсан захирал Жон Мурфи мэдэгдсэн байна.

Нэмэгдүүлсэн тооцоогоор 2023 оны бүтэн жилийн орлогын өсөлт нь 10-11 хувь, ашгийн өсөлт нь 7-8 хувь байна гэж үзэж байгаа аж. Энэ нь өмнөх төсөөллөөс тус бүр хоёр нэгж хувиар өндөр үзүүлэлт болоод байгаа юм.