Сэргээгдэх эрчим хүчний зах зээлд эзлэх хувь хэмжээ нэмэгдэж буй энэ үед дэлхийн хэмжээнд байгалийн хийн эрэлт 2040 он хүртэл өмнө нь таамаглаж байснаас ч сул байх төлөвтэй гэж Олон Улсын Эрчим Хүчний Агентлаг (IEA) тооцооллоо. Тус агентлаг ийнхүү байгалийн хийн эрэлтийн төсөөллөө дөрөв дэх жилдээ дараалан бууруулж байна.

Байгалийн хийн нийлүүлэлтээр тэргүүлэгч ОХУ-ын зах зээлд эзлэх хувь хэмжээ буурахаар байгааг тайландаа онцолжээ. Өнгөрсөн онд ОХУ Европт нийлүүлэх байгалийн хийн хэмжээгээ эрс бууруулснаар Европ эрэлтийн төлөвөө бууруулаад байгаа юм. Харин АНУ, Катар зэрэг улс шингэрүүлсэн байгалийн хийн нийлүүлэлтээ нэмэгдүүлж, зах зээлийг байгалийн хийгээр тасралтгүй хангаж байна.

Европ сэргээгдэх эрчим хүчний шилжилтийг эрчимжүүлж байгаа гэдэг утгаараа өнгөрсөн онд байгалийн хийн хэрэглээгээ 55 тэрбум куб метрээр буюу дээд дүнгээр бууруулж чаджээ. Европт байгалийн хийн эрэлт 2030 он гэхэд дахин 50 тэрбум метр кубээр буурна гэж үзэж байгаа аж.

Байгалийн хийн эрэлт 2030 он гэхэд таамаглаж буй  бүх хувилбараар тооцвол оргил түвшинд хүрнэ гэж тооцоолсон байна.