Цахилгаан автомашины борлуулалт өсөж буй энэ үед ч уламжлалт хөдөлгүүрт “S-Class” цувралын седан ангиллын автомашинуудыг БНХАУ-ын чинээлэг худалдан авагчид ихээр сонирхож байгааг “Mercedes-Benz” мэдээллээ. Ингэснээр тус компани БНХАУ-ын тансаг зэрэглэлийн автомашины зах зээлд тэргүүлэх байр сууриа хадгалсан хэвээр байна.

“Mercedes-Benz”, “BMW” болон “Volkswagen” брэндүүд удаан хугацаанд дэлхийн автомашины зах зээлд тэргүүлсээр ирсэн юм. Хэдий тийм боловч БНХАУ-д цахилгаан автомашины эрэлт нэмэгдсэнээр дотоодын брэндүүдийн өрсөлдөөн ширүүсээд байна. Тухайлбал: Шенженд төвтэй "BYD" компани эхний улирлын байдлаар БНХАУ-ын шилдэг автомашин борлуулагч болсноор "Volkswagеn" компани сүүлийн 10 жилд анх удаа тэргүүлэгчийн байрнаасаа ухарчээ.

“Mercedes-Benz” компани БНХАУ-ын уламжлалт хөдөлгүүрт автомашины зах зээлийн 50 гаруй хувийг эзэлдэг. Загваруудынх нь эхлэх үнэ 144 мянган ам.доллар болж, зах зээлд тэргүүлсэн хэвээр байгаа аж.