Есдүгээр сард АНУ-ын суурь инфляцын түвшин 0.3 хувиар өссөнөөр сүүлийн хоёр сар дараалан эрчимжсэн үзүүлэлт боллоо. Ингэснээр АНУ-ын Холбооны Нөөцийн банк инфляцыг хазаарлахаар бодлогын хүүгээ өндөр түвшинд хадгалахад түлхэц болж байна.

Эдийн засагчдын хувьд инфляцаас илүү тодорхой үзүүлэлт гэж үздэг хүнс, эрчим хүчний үнэ тооцоогүй суурь инфляцын түвшин 0.3 хувиар өссөн бол ерөнхий инфляцын түвшин 0.4 хувиар өсжээ.

Мөн инфляцын үзүүлэлтээс харвал хөдөлмөрийн зах зээл идэвхтэй байсан нь хэрэглэгч талаас эрэлт өндөр байхад нөлөөлж байна. Ингэснээр Холбооны Нөөцийн банканд үнийн өсөлтийн дарамт үргэлжлэх эрсдэлийг нэмэгдүүлж байгаа аж.

АНУ-ын Төв банкны сүүлийн хуралдаанаар энэ онд дахин нэг удаа бодлогын хүүгээ өсгөх боломжтой гэж ихэнх нь гишүүд нь үзэж байсан юм.