“Goldman Sachs Group”-ийн тооцоогоор БНХАУ COVID-19-ийг үл тэвчих бодлогоо ирэх сард болох  Коммунист намын (ХКН) XX их хурлын дараа ч үргэлжлүүлэх төлөвтэй байна. Өөрөөр хэлбэл 2023 оны эхний хагаст болох БНХАУ-ын Ардын Төлөөлөгчдийн Их Хурлын жил тутмын чуулганаас өмнө зогсоохооргүй байгаа аж.

БНХАУ-ын Ерөнхийлөгч Ши Жиньпиний гурав дахь бүрэн эрхийн хугацааг батлах төлөвтэй байгаа энэхүү хурлын дараа "Тогтвортой байдал чухал зорилт болно" гэж “Goldman Sachs Group”-ийн тайланд дурдсан байна. Энэ нь ч сүүлийн үед COVID-19-ийн хязгаарлалтыг ялангуяа нийслэл Бээжин орчимд нэмэгдүүлэхэд нөлөөлж байгаа гэдгийг дурджээ.

Таван жил тутамд зохион байгууллагддаг ХКН-ын их хурлаар намын удирдлагуудыг хэлэлцэхэд голлон төвлөрнө гэж үзэж байна.