ОХУ-ын эрх баригчид байгалийн хийн үйлдвэрлэлийн татварыг нэмэгдүүлэхээр хэлэлцэж байгааг мэдээллээ. Энэ нь улсын төсөвт дарамт учруулахгүйгээр дотоодын газрын тос боловсруулах үйлдвэрүүдэд бүрэн татаас олгоход санхүүжилт босгож, дотоодын шатахууны зах зээлээ дэмжих гэсэн зорилттой нь холбоотой аж.

Нэмэлт татварын зохицуулалт хэрэгжиж эхэлбэл зөвхөн байгалийн хий олборлогч “Gazprom” компанид хамаарах, эсвэл бусад жижиг үйлдвэрлэгчийг хамтад нь хамруулах асуудал одоогоор тодорхойгүй байгааг эх сурвалж мэдээлж байна.

Украины зардал өндөртэй дайн, нийгмийн зарцуулалтууд нь ОХУ-ын төсөвт нэлээдгүй дарамт учруулж буй энэ үед олон улсын хориг хэмжээнүүд нь тус улсын газрын тос болон байгалийн хийн салбарын орлого буурахад томоохон нөлөө үзүүлж байгаа юм.