БНХАУ аравдугаар сарын 30, 31-ний өдрүүдэд таван жил тутамд нэг удаа хийдэг санхүүгийн бодлогын гол уулзалтаа Бээжин хотноо зохион байгуулахаар төлөвлөж байгааг ойрын эх сурвалж мэдээллээ. Энэхүү уулзалт нь  61 их наяд ам.доллароор хэмжигдэх зах зээлийн дунд хугацааны тэргүүлэх чиглэлийг тогтоох болон эрсдэлээс урьдчилан сэргийлэх зорилготой аж.

БНХАУ-ын капиталын гарах урсгалын хурд сүүлийн долоон жилийн дээд түвшинд хүрсэн нь юаньд дарамт болж байгаа юм.

Эх газрын Хятадын банкнууд өнгөрсөн сард цэвэр 19.4 тэрбум ам.долларын гадаад валют худалдсан нь 2018 оны 11 дүгээр сар буюу АНУ-БНХАУ-ын “Худалдааны дайн”-ы оргил үеэс хойших хамгийн өндөр үзүүлэлт  болсныг БНХАУ-ын гадаад валютын улсын алба мэдээлжээ.