БНХАУ-ын орон нутгийн засаг захиргаа “Foxconn” компанийн “iPhone”-ийн үйлдвэрт ажиллах хүчээ нэмэгдүүлэхэд нь туслахаар болжээ.

Өнгөрсөн сарын эцсээр БНХАУ-ын төв хэсэгт орших “Apple”-ийн хамгийн том гэгдэх үйлдвэрээс олон тооны ажилчин цар тахлын хатуу хөл хорионы улмаас дайжаад байсан юм. Үүнтэй холбоотойгоор Хэнань мужийн захиргаа тус компанийн гар утас угсралтын хэлтэст шинээр ажилчид элсүүлэхэд туслах талаар орон нутгийн хэсэг нэгжүүдэд чиглэл өгсөн байна. 

Түүнчлэн “Foxconn” компаниас шинээр тогтвортой ажиллах хүч татахын тулд нэмэлт цалин урамшуулал амлаад байгаа гэж “Financial Times” мэдээлжээ.