"Вагнер" хувийн зэвсэгт хүчний удирдагч Евгений Пригожины зорчиж явсан гэх онгоцны осолд АНУ анхан шатны дүн шинжилгээ хийсэн бөгөөд энэ дүгнэлтээс үзэхэд уг осол захиалгат аллага байсан байж магадгүй байна. Мөн энэ нь ОХУ-ын Ерөнхийлөгч Владимир Путины тушаалаар үйлдэгдсэн байж магадгүй гэж Америкийн нэрээ нууцалсан ойрын эх сурвалж мэдээлжээ. 

Өөрөөр хэлбэл Москва-Санкт-Петербург чиглэлд нисэж байсан тус онгоцонд тэсрэх бөмбөг байрлуулсан байсан, газраас пуужингаар харваагүй гэж үзэж байна. Одоогоор ослын шалтгааныг тогтоогоогүй хэвээр байгаа юм.

Пүрэв гарагт ОХУ-ын Ерөнхийлөгч Владимир Путин ослын талаар хийсэн мэдэгдэлдээ “Онгоцонд “Вагнер”-ын цэргүүд байсан” гэх урьдчилсан дүгнэлтийг дурджээ.