“Rio Tinto” компани өндөр чанартай скандийн орд болох "Platina Scandium" төслийг "Platina Resources Limited" компаниас 14 сая ам.доллароор худалдан авах гэрээ байгууллаа.

Австралийн Шинэ Өмнөд Уэльс мужид байрлах энэхүү төсөл нь 30 жилийн хугацаанд жил бүр 40 тонн хүртэл скандийн исэл олборлох боломжтой аж.

Одоогоор “Rio Tinto” Канадын Кебек дэх титаны давхар ислийн хаягдал бүтээгдэхүүнээс скандийн исэл олборлож байна.

Харин Австрали дахь уурхай ашиглалтад орсноор скандийн олборлолтоо хоёр дахин нэмэгдүүлэх боломжтой болохыг тус компани мэдээллээ.

Энэхүү хэлцэл нь цэвэр эрчим хүчний шилжилтэд шаардагдах чухал ашигт малтмалын олборлолтыг нэмэгдүүлэх зорилготой нь уялдаж байгааг “Rio Tinto” компани мэдэгдэлдээ тодотгосон байна.