Хонгконгийн Хөрөнгийн биржид бүртгэлтэй “Mongolia Energy Corporation” компани энэ оны IV-VII сард 582 мянган тонн нүүрс борлуулсан байна. Тус компани Хонгконгийн Хөрөнгийн биржид хувьцааны арилжаагаа түр зогсоогоод байгаа ч үйл ажиллагаанд нь ноцтой өөрчлөлт гараагүй, хэвийн үргэлжилж байгааг мэдээллээ.

Үүнээс гадна “Mongolia Energy Corporation” бүтэн жилийн санхүүгийн тайланг танилцуулах хугацаагаа дахин хойшлуулсан байна. Өмнө нь есдүгээр сарын эцсээр гэж мэдээлж байсан ч аравдугаар сарын эцэс болгож хойшлуулжээ.

“Mongolia Energy Corporation” компани бүтэн жилийн тайлангаа танилцуулах хүртэл долоодугаар сарын дөрвөнөөс хойш хувьцааны арилжаагаа зогсоогоод байгаа юм.