Сүүлийн 20 жилийн хугацаанд дэлхийн хэмжээнд хар салхи, үер, хэт халалт зэрэг цаг уурын эрс тэс үзэгдлүүдийн улмаас 2.8 их наяд ам.долларын хохирол учирсан гэж “Nature Communication” сэтгүүлд хэвлэгдсэн шинэ судалгаанд мэдээлсэн байна.

Судалгаагаар 2000-2019 оны хооронд болсон цаг уурын гамшигт үзэгдлийн улмаас үүссэн зардал дунджаар 143 тэрбум ам.доллар хүрчээ. Өөрөөр хэлбэл цагт 16.3 сая ам.долларын хохирол учруулсан гэж хэлж болохоор байна.

Судлаачид хүний ялгаруулсан хүлэмжийн хий болон цаг уурын гамшигт үзэгдлийн өөрчлөлтийн хамаарлыг судалдаг “Extreme Event Attribution” аргачлалыг ашиглан судалгааг явуулжээ.  

2000-2019 оны хооронд болсон 185 байгалийн гамшигт үзэгдлийн 53 орчим хувь нь хүний үйл ажиллагаанаас үүдэлтэй байсныг онцолж болохоор байна.