АНУ-ын хувьцаанууд өнгөрсөн 10 жилийн хугацаанд дэлхийн бусад орон, бүс нутгийн индексүүдтэй харьцуулахад өндөр өсөлттэй байсан бол энэ байдал ирэх 10 жилд үргэлжлэх магадлал бага байна гэж “Goldman Sachs”-ийн стратегич Оппенхаймер үзэж байна.

Харьцангуй өндөр өсөлтөд нь АНУ-ын технологийн салбарын тэргүүлэл болон томоохон компаниудын ноёрхол нөлөөлж байсан гэдгийг тэрээр тодотгожээ.

Өнгөрсөн 10 жилийн хугацааны наймд нь АНУ-ын хувьцаанууд дэлхийн бусад бүс нутгийн индексээс өндөр өсөлттэй байсан аж. Харин энэ оны хувьд эхний 10 сарын байдлаар есөн нэгж хувиар өндөр өсөлттэй байна.