Боловсролын зээлийн сангийн үйл ажиллагааг олон нийтэд нээлттэй, ил тод болгох тогтоолыг Засгийн газраас баталлаа.

Өмнө нь Төрийн байгууллага болон Төрийн өмчит үйлдвэрийн газрууд боловсон хүчнээ сургах, бэлтгэх үйл ажиллагаа явуулж ирснийг болиулж, Боловсролын зээлийн сангаас нэгдсэн байдлаар сонгон шалгаруулалт явуулахаар тогтсон байна.

Сонгон шалгаруулалтын журмыг салбарын яам нэг сарын хугацаанд шинэчлэн баталж, системийг олон нийтэд нээлттэй ил тод болгох үүрэг хүлээсэн байна. Үүнтэй холбоотойгоор 2023 онд Боловсролын зээлийн сангийн зээл, тэтгэлэгт хамрагдах үйл ажиллагаанд тодотгол хийж, шинэ системээр шалгалтад хамрагдана гэж ЗГХЭГ мэдэгдлээ. Цаашид зээл болон тэтгэлгийн ялгаатай байдлыг тодорхойлно гэж үзэж буйгаа онцолж байна.

Үүнээс гадан Зөвшөөрлийн тухай хууль хэрэгжиж эхэлсэн ч зарим төрлийн тусгай зөвшөөрөл олгогдохгүй байх хуулийн зохицуулалт хангалттай хэрэгжихгүй байгаа тул наймдугаар сарын нэгний өдөр гэхэд цахимжуулж, шилэн болгохыг холбогдох яам, агентлагт үүрэг болгов.

Заасан хугацаанд бүрэн цахимжуулаагүй зөвшөөрлийг албан хүчээр байхгүй болгох алхам хийнэ гэдгээ Засгийн газар  мэдэгдлээ.