“SouthGobi Resources” компанийн бүртгэл Торонтогийн Хөрөнгийн биржээс хасагдаж, энэ даваа гарагаас буюу дөрөвдүгээр сарын 17-ноос эхлэн “TSX-Venture” биржид хувьцаа нь арилжаалагдаж эхэлж байна. Тус компанийн тикер “SGQ” хэвээр байх аж.

“SouthGobi Resources” компани урьдчилан харж болох хугацаанд үзвэл БНХАУ-ын нүүрсний зах зээлд итгэл дүүрэн байгаагаа тайландаа дурдаж байв. Нүүрс нь зах зээлд эрчим хүчний гол эх үүсвэр хэвээр байна гэж үзсэн байна. Харин аюулгүй байдал болон байгаль орчны асуудалтай холбоотой үнэ хэлбэлзэж болохыг тодотгож байсан юм.

Дунд хугацаандаа орлогоо нэмэгдүүлэх хүрээнд нүүрсээ чанаржуулах, худалдан авагчдын суурь бааз болон хамтрагч компаниудаа нэмэгдүүлэх, логистикоо сайжруулах, үйл ажиллагааны зардлын бүтцээ оновчлох зэрэг арга хэмжээ авна гэж “SouthGobi Resources” онцолж байна.