Монгол болон Торонтогийн Хөрөнгийн биржид бүртгэлтэй “Erdene Resource Development” компани “Mongolian Mining Corporation”-той хийсэн стратегийн түншлэлийн тохиролцоонд нэмэлт өөрчлөлтүүд орсныг мэдээллээ. Талууд “Баян хөндий” алтны төслийн хөгжүүлэлтийн чиглэлд хамтран ажиллаж байгаа юм.

Гурван үе бүхий стратегийн түншлэлийн эхний хоёр шат амжилттай хэрэгжсэн болохыг “Erdene Resource Development” компани мэдээллээ. Харин эцсийн буюу гурав дахь шатны хөрөнгө оруулалтад наймдугаар сарын 30-нд бага зэрэг өөрчлөлт орж, анхан шатны ажлуудыг үргэлжлүүлэх зорилгоор 30 сая ам.долларын хөрөнгө оруулалтын 15 сая ам.долларыг “Erdene Resource Development” компани урьдчилан татсан байна.

Улмаар аравдугаар сарын 15-ны өдөр үлдсэн 15 сая ам.долларын санхүүжилтийг авснаар гуравдугаар шатны хөрөнгө оруулалт болох 30 сая ам.долларыг амжилттай бүрэн татжээ.