Дэлхийн хэмжээнд газрын тосны зах зээл уналттай байгаа энэ үед OPEC-ийн Өргөтгөсөн бүлэг энэ долоо хоногт болох уулзалтаараа  гарцаа үргэлжлүүлэн танах төлөвтэй байна.

Өнгөрсөн сард OPEC-ийн Өргөтгөсөн бүлэг гарцаа өдрийн дүнгээр хоёр сая баррелиар бууруулсан юм. Хэдий тийм боловч газрын тосны үнэ Лондоны Металлын биржид баррель нь 80 ам.доллароос доош түвшинд хүрч буураад байгаа аж.

Газрын тосны импортоор дэлхийд тэргүүлэгч БНХАУ-д “коронавирус”-ийн халдварын тархалт эрчимжсэнээр эрэлт буурна гэсэн болгоомжлол нэмэгдэж байна.

Үүнээс гадна Саудын Арабын Эрчим хүчний сайд "Газрын тосны зах зээлийг тэнцвэржүүлэх шаардлага тулгарвал OPEC-ийн Өргөтгөсөн бүлэг интервенц хийхэд бэлэн" гэж мэдэгдээд байгаа юм.