Хонгконг болон Торонтогийн “Venture” Хөрөнгийн биржид бүртгэлтэй “SouthGobi Resources” компани жил бүрийн хөрөнгө оруулагчдын уулзалтаа Хонгконгийн цагаар тавдугаар сарын 21-ний өдөр хийхээр товлолоо.

Тус компани “Овоот толгой” нүүрсний уурхайтай холбоотой хэд хэдэн эрсдэл байгааг тодотгож байна. Тухайлбал: хуулийн өөрчлөлт, шаардлагатай машин, тоног төхөөрөмж, ажиллах хүчин олоход хүндрэл үүсэх зэрэг нь төслийн ашигтай байдалд нөлөөлж болзошгүй гэж үзэж байгаа аж.

Түүнчлэн “SouthGobi Resources” компанийн ерөнхий үйл ажиллагааны хүрээнд өндөр үнээр хангалттай хэмжээнд борлуулалт хийх, Сэхэ боомтод гаалийн шалгалт хүлээгдэх, түүнчлэн угаах үйлдвэрийн усны хангамжийг хадгалах зэрэг эрсдэлүүд байгааг тодотголоо.