АНУ-ын Ерөнхийлөгч Жо Байден БНХАУ-ыг чиглэсэн АНУ-ын хөрөнгө оруулалтыг хязгаарлах захирамжид гарын үсэг зурж, Бээжингийн батлан хамгаалах болон тагнуулын технологи хөгжүүлэх бололцоог багасгах хүчин чармайлтаа ахиуллаа.

Энэ хүрээнд мөрдөх шинэ журам одоогоор дэлгэрэнгүй тодорхой болоогүй байгаа ч БНХАУ-ын хагас дамжуулагч, квантын тооцоолол, хиймэл оюуны компаниудад хийх хөрөнгө оруулалтад зохицуулалт, хяналт тавихаар болж байна.

Хэдий тийм боловч дээрх журам ретроактив байдлаар буюу буцан үйлчлэх нөхцөлгүй, мөн биотехнологи зэрэг салбаруудад хамаарахгүй учир энэ удаагийн тогтоолын хамрах хүрээ хумигдмал байхаар байна.