Хоёрдугаар сарын 27-ны өдөр Гашуунсухайт-Ганцмод боомтоор нүүрс тээврийн 1037 автомашин гарсан нь 2020 оны аравдугаар сарын 21-нээс хойших дээд түвшин боллоо.

Ганцмод боомт дээр тавдугаар ангиллын түүхий коксжих нүүрсний үнэ тонн нь 1700-1750 юань хүрч байгаа бөгөөд зарим тохиолдолд НӨАТ тооцоод 1800 юань хүрч байгаа ажээ.

Хоёрдугаар сарын 22-ны өдөр ӨМӨЗО-ы нүүрсний уурхайд осол гарахаас өмнө тонн нь 1500-1580 юань хүрч байсан юм.

Дээрх ослын дараа БНХАУ өргөн хүрээний аюулгүй байдлын шалгалт хийхээр болсон байна. Ингэснээр коксжих нүүрсний олборлолт буурах төлөв нэмэгдэж, үнэ нь өсөөд байгаа аж.

Цахим дуудлага худалдаагаар Шаньси мужийн зарим томоохон уурхайн нүүрсний үнэ тонн тутамдаа 20-200 юаниар өссөн байна.